Արամ Ա-ն ընդունել է Միջին Արևելքի եկեղեցիների խորհրդի նոր ընդհանուր քարտուղարուհուն

Աղբյուրը՝ armenianorthodoxchurch

Երէկ, 14 Դեկտեմբեր 2017-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը մարոնիթ եկեղեցւոյ պատրիարքական փոխանորդ՝ Փոլ Սայյահին։ Արքեպիսկոպոսը Վեհափառ Հայրապետին մօտ եկած էր ներկայացնելու Միջին Արեւելքի Եկեղեցիներու Խորհուրդին նոր ընդհանուր քարտուղարուհին՝ Սուրայա Պէշէալանին, որ կը պատկանի յիշեալ եկեղեցւոյ։ Այցելութեան նպատակն էր Նորին Սրբութենէն թելադրութիւններ լսել ընդհանրապէս էքիւմէնիք շարժումին եւ յատկապէս Միջին Արեւելքէն ներս էքիւմէնիք շարժումին ներկայ իրավիճակին մասին։ 

Հայրապետը ամփոփ գիծերով ներկայացուց էքիւմէնիք շարժումին պարզած ներկայ մարտահրաւէրները, յատկապէս ընդգծելով Միջին Արեւելքի մէջ եկեղեցիներուն միջեւ էքիւմէնիք գործակցութեան նոր ծաւալ տալու կարեւորութիւնը, մասնաւորաբար ընկերային ծառայութեան, քրիստոնեայ-իսլամ երկխօսութեան եւ արեւմտեան եկեղեցիներուն հետ աւելի սերտ յարաբերութիւն մշակելու անհրաժեշտութիւնը։