Տարկետման չեղարկման դեմ պայքարող ուսանողները բողոքի ակցիա են անցկացնում ԱԺ-ի մոտ

Այսօր ԱԺ պաշտպանության, ազգային անվտանգության և ներքին գործերի մշտական հանձնաժողովում պետք է քննարկում անցկացվեր «Զինվորական ծառայության և զինապարտության» մասին օրենքի քննարկումը: Սակայն քվորում չապահովելու պատճառով նիստը հետաձգվեց: ՀՀ ԱԺ կանոնակարգ սահմանադրական օրենքի 14-րդ հոդվածի 2-րդ մասի համաձայն 2017 թվականի նոյեմբերի 10-ին ժամը 21:00-ին հրավիրվել է Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի արտահերթ նիստ:

Դրան զուգահեռ ԱԺ-ի մոտ են հավաքվել տարկետման  չեղարկման դեմ պայքարող և դասադուլ անող ուսանողները: Նրանք փորձեցին պաստառ փակցնել «Տարկետում լինելու ա » կոչով, սակայն ոստիկանները թույլ չտվեցին պաստառ փակցնել, ասելով, որ պետք է պաստառը փակցնեն ԱԺ դարպասներից 50 մետր հեռավորության վրա: Բողոքի ակցիան շարունակվում է: