«Ծախսատար է». Թուրքիայում բանտարկված Դեմիրթաշի նկատմամբ սկանդալային որոշում են կայացրել

Թուրքիայում նախորդ տարվա ռազմական հեղաշրջման փորձից հետո կալանավորված` Ժողովուրդների դեմոկրատական կուսակցության համանախագահ Սելահաթթին Դեմիրթաշի նկատմամբ սկանդալային որոշում է կայացվել:

Ըստ CNNTurk-ի՝ մեկ այլ մեղադրանքով նրա դեմ հարուցված դատական գործի 3-րդ նիստի համար համապատասխան մարմինները հրաժարվել են Դեմիրթաշին Էդիրնեյից Անկարա տեղափոխել՝ պատճառաբանելով, որ տեղափոխությունը «ծախսատար է»:

Եթե Դեմիրթաշը հրաժարվի հեռահաղորդակցման հատուկ համակարգով դատական նիստին մասնակցելու միակ տարբերակից, համարվելու է, որ նա օգտվել է լռելու` իր իրավունքից:

Սկանդալային որոշումը քրդերի շրջանում զարմանք և վրդովմունք է առաջացրել: