Սիրիահայ պատվիրակությունն այցելել է ՀՀ-ում Սիրիայի դեսպանին

Աղբյուրը՝ «Գանձասար»

Երկուշաբթի, 25 Սեպտեմբեր 2017-ի միջօրէի ժամը 13:30 ին, Սփիւռք-Հայրենիք 6-րդ համահայկական ժողովին առիթով Երեւան գտնուող սուրիահայ համայնքի պատասխանատուներէ բաղկացած պատուիրակութիւն մը այցելեց Հայաստանի մօտ Սուրիոյ արտակարգ և լիազօր դեսպան Մուհամմէտ Հաճ Իպրահիմին՝ շնորհաւորելու զինք իր նորօք ստանձնած պաշտօնին համար։

Պատուիրակութեան մաս կը կազմէին.-

Բերիոյ Հայոց Թեմի Բարեջան Առաջնորդ Գերշ. Տէր Շահան Ս. Արք Սարգիսեան, Սուրիոյ խորհրդարանի երեսփոխան տիար Ժիրայր Րէիսեան, Ազգ. երեսփոխան տիար Կարօ Եուզպաշեան, Համազգայինի Կեդր. Վարչութեան անդամ տիար Կարօ Մանճիկեան, Դամասկոսի մէջ Կիլիկիոյ Կաթողիկոսութեան գործակատար տիար Մեսրոպ Շիրինեան և Հայաստանի մէջ սուրիացի գործարար տիար Աւետիս Գարակիւլեան։

Հանդիպման ընթացքին ներկաները դրուատիքով անդրադարձան սուրիական բանակին արձանագրած պատուաբեր նուաճումներուն:

Դեսպանը ակնկալեց Հալէպի ապահովական եւ տնտեսական իրավիճակի բարելաւումը յառաջիկայ օրերուն եւ յոյս յայտնեց որ մեծաթիւ հայեր կը վերադառնան Սուրիա: Ան դիտել տուաւ որ սերտողութեան տակ է Հալէպ-Երեւան օդային ճանապարհի վերականգնումը, ինչպէս նաեւ պատրաստակամութիւն յայտնեց մօտէն հետաքրքրուելու առժամաբար Հայաստան հաստատուած սուրիահայերու իրավիճակով: Դեսպանը դրուատիքով անդրադարձաւ նաեւ պատերազմի տարիներուն սուրիայութեան պատուաբեր կեցուածքին եւ մաղթեց, որ սուրիահայութիւնը իր շինարար և ստեղծագործ նկարագրով մեծապէս դերակատար ըլլայ Սուրիական Հայրենիքի վերականգնումի աշխատանքներուն մէջ:

Հանդիպման աւարտին մեծարգոյ դեսպանը բարձրօրէն գնահատեց սոյն այցելութիւնը: