Turan լրատվական գործակալության նկատմամբ դարձյալ պատժամիջոցներ են կիրառվել

Ադրբեջանի հարկերի նախարարությունը  վերականգնել է Turan լրատվական գործակալույթան նկատմամբ հարկային պատժամիջոցները 2014-2016թթ.-ի  համար 37 հազար մանաթի չափով. հայտնում է գործակալության կայքը:

Ուշագրավ է, որ սեպտեմբերի 12-ին նախարարությունը նամակ էր ուղարկել Turan, որում ասվում է, որ գործակալությունը որևէ պարտք և տուգանք չունի: Երեկ նախարարությունը վերաբացել էր գործակալության հաշիվները:

Գործակալությունում սպասում են, որ այդ որոշումից հետո հաշիվները դարձյալ կարգելափակվեն:

Հիշեցնենք, որ գործակալության տնօրեն Մեհման Ալիևը սեպտեմբերի 11-ին ազատ արձակվեց կալանքից, նրա խափանման միջոցը փոխվեց տնային կալանքով: