«Բոլորը հասկացել են, թե ով ով է». Արմավիրի մարզպետի սպանված խորհրդականի որդին խոսել է. Aravot.am

Արմավիրի մարզպետի սպանված խորհրդականի որդին` Նորիկ Սիմոնյանը, Aravot.am-ի հետ զրույցում արձագանքել է հորեղբոր` Արամ Սիմոնյանի «բացահայտումներին», որոնք վերջինս ներկայացնում է լրատվամիջոցներին:

Նորիկ Սիմոնյանը հերթական հիմարությունն է համարում հորեղբոր պնդումները, թե ինքն է սպանել հորը, հետո դին նետել են երկրորդ հարկից. «Հերթական հիմարությունն է…անհիմն հայտարարություն է … բազմաթիվ ապացույցներ և փաստեր կան, իսկ մնացածի մասին, մի փոքր էլ համբերեք, ես անպայման կխոսեմ»: Անդրադառնալով Արամ Սիմոնյանի հայտարարությանը, թե իր ձեռքի տակ առկա են բազմաթիվ ձայնագրություններ, որոնք կատարվել են եղբոր կողմից, առկա է նաև դեպքի օրը վեճի ձայնագրությունը, որը Սիմոնյանը պատրաստվում է հրապարակել եղբոր քառասունքի օրը, Նորիկ Սիմոնյանը պատասխանեց.

«Նախ չկա նման ձայնագրություն, եթե լինի` ավելի լավ … բացի այդ, քառասունքից արդեն 3 օր անցել է, և բոլորը հասկացել են, թե ով` ով է»:

Կայքը հիշեցնում է, որ Մանուկ Սիմոնյանի եղբայրը պնդում է, որ ունի ապացույցներ, որ եղբորը սպանել է եղբոր որդին` Նորիկ Սիմոնյանը, իսկ նրա մայրը` Ռուզաննա Մկրտչյանը, իր վրա է վերցրել հանցագործությունը: Արամ Սիմոնյանը պնդում է նաեւ, որ սպանությունը եղել է Նորիկ Սիմոնյանի սիրած աղջկա պատճառով:

Մանրամասները՝ սկզբնաղբյուր կայքում: