Տրանսպորտի նախարարությունը շարունակում է տարհանված մնալ

Հայտնել էինք, որ սեպտեմբերի 1-ին` ժամը 10:26-ին, ոստիկանությունից տեղեկություն է ստացվել, որ տրանսպորտի նախարարությունում ռումբ կա տեղադրված:

Այս պահին դեպքի վայր մեկնած փրկարարներն ու ոստիկանները շարունակում են աշխատանքները: Կատարվել է աշխատակիցների տարհանում:

Նախարարության գլխավոր մասնագետներից Գոռ Մարգարյանը լրագրողների հետ զրույցում նշեց, որ տարհանումը սկսվել է ժամը 10:30-11:00 սահմաններում: Նրա խոսքով` աշխատակիցների շրջանում խուճապ չի եղել:

Ականատեսների վկայությամբ` այս պահին ձերբակալված է ահազանգողը, ով նախարարության նախկին աշխատակից է:

Yerkir.am-ի հետ զրույցում ոստիկանության լրատվական բաժինը, սակայն, այս տեղեկությունը չհաստատեց: «Այս պահին աշխատում են մարդիկ, ավելի չենք կարող ասել»,- ասացին ոստիկանությունից: