կարևոր
4162 դիտում, 6 ամիս առաջ - 2023-09-21 00:14
Հասարակություն Արցախ

Ավելի քան 10․000 մարդ այս պահին տարհանված է հայրենի համայնքներից․ Արցախի ՄԻՊ

Ավելի քան 10․000 մարդ այս պահին տարհանված է հայրենի համայնքներից․ Արցախի ՄԻՊ

Ավելի քան 10000 մարդ այս պահին տարհանված է հայրենի համայնքներից, որոնք ստիպված են ապաստան գտնել Արցախի այլ բնակավայրերում, որտեղ կարելի է ապահովել հարաբերական անվտանգություն։

Այս մասին հայտնում է Արցախի Հանրապետության մարդու իրավունքների պաշտպան Գեղամ Ստեփանյանը:

Նրանց թվում կան կանայք, երեխաներ և ծերեր, որոնցից շատերն իրենց կյանքի ընթացքում արդեն մի քանի անգամ տեղահանվել են ադրբեջանական ագրեսիայի պատճառով։ Առանց պատշաճ սննդի դեղորայքի, հիգիենայի անհրաժեշտության՝ սա ազգային աղետ է իրական ժամանակում և մարդու բոլոր հիմնարար իրավունքների կոպիտ խախտում:

Կան հազարավոր մարդիկ, ովքեր դեռ չեն կարողանում գտնել իրենց հարազատներին ու ընտանիքի անդամներին։ Արցախի Մարդու իրավունքների պաշտպանի գրասենյակը փաստահավաք առաքելություն է սկսել՝ տվյալներ հավաքագրելու այն անձանց մասին, որոնց ճակատագիրը հայտնի չէ։