Գլենդելի Հայ Դատի հանձնախումբն ուղերձ է հղել «Ամերիկանա»-ի ղեկավարներին

«Եկէք յստակ ըլլանք. «Ամերիքանա»ն կը ծառայէ Կլենտէյլ քաղաքին եւ անոր քաղաքացիներուն, ոչ թէ հակառակը: «Ամերիքանա»ն իր որոշումը կը մեկնաբանէր թրքական կառավարութեան շահերու դիտանկիւնէն. շահեր, որոնք դէմ են հանդուրժողութեան, այլ մշակոյթներու հանդէպ յարգանքի եւ պատմութեան իրողութիւնները ճանչնալու սկզբունքներուն: Ցեղասպանութեան փաստի յայտարարութիւնը երբեք պէտք չէ քողարկուի: Մենք կը գնահատենք «Ամերիքանա»ի եւ «Քարուսօ» ընկերութեան այս առաջին դրական քայլերը: Այսուհանդերձ, այս քայլերով «Քարուսօ» ընկերութիւնը չի կրնար բաւարարել իր քաղաքացիական պարտաւորութիւնները: Կ՛ակնկալենք, որ ընկերութիւնը աւելի շօշափելի ձեւերով ցուցաբերէ իր սերտ յարաբերութիւնները շրջանի բնակչութեան հետ: Մենք կը սպասենք, որ յառաջիկայ շաբաթներուն հանդիպում մը իրականանայ պարոն Քարուսոյի, իր կառավարիչներու խումբին եւ մեր միջեւ, քննարկելու համար, թէ ինչ յստակ քայլերով կարելի է աւելի սերտ յարաբերութիւն մշակել «Ամերիքանա»ի հետ:»