Լվովում ոստիկանությունը ազատել է հոգեբուժարանում գտնվող պատանդներին

Ոստիկանությունը Լվովում ազատել է հոգեբուժարանի հիվանդի կողմից պատանդ վերցրած մարդկանց։ Հոգեբուժարանի աշխատակիցը ոստիկանությանը հայտնել է, որ հոգեբուժարանի բաժանմունքներից մեկում հիվանդը պատանդներ է վերցրել՝ սպառնալով սպանել նրանց։ Հիվանդը սկսել է անհավասարակշիռ վարքագիծ դրսևորել երեկոյանը ժամը 19-ին, փակել է բաժանմունքի դռները, որտեղ գտնվել են 76 հիվանդներ, վնասել է գույքը, ջարդել ապակիները։ Ջարդած ապակիներով նա վնասել է 10 հիվանդի։ Վիրավորներից 6-ը հոսպիտալացվել են, 3-ը գտնվում են ծանր վիճակում։Չարագործը Լվովի  30-ամյա բնակիչ էր, ով դատարանի որոշմամբ 4 տարի հարկադիր բուժում էր ստանում հոգեբուժարանում, նա մեղադրվում է հորը դանակով սպանելու մեջ։