Մարդկությունը գտնվում է զարգացման նոր թռիչքի նախաշեմին․ Պուտին

Այսօր ՌԴ նախագահ Վլադիմիր Պուտինը պատասխանել է երկրի տարբերի շրջանների շուրջ 66 դպրոցների աշակերտների հարցերին։ Հանդիպումն անցել է Սոչիում գտնվող «Սիրիուս» կրթական համալիրում։

Եվ այսպես, ըստ Պուտինի, մարդկությունն այժմ գտնվում է զարգացման նոր թռիչքի նախաշեմին։

«Գլոբալ փոփոխությունները միշտ են տեղի ունենում, միայն թե տարբեր արագությամբ։ Միջին դարերում դա փոփոխությունների մի արագություն էր, 20-րդ դարում՝ մեկ այլ, իսկ մեր ժամանակներում այդ արագությունը զգալիորեն մեծ է։ Դա կապված է գիտելիքներ կուտակելու հետ․որքան շատ գիտելիքներ ունի մարդկությունը, այնքան արագ են փոփոխությունները»,- ասել է Պուտինը։

Խոսելով ֆիզիկայի մասին, ՌԴ նախագահը նշել է, որ ֆիզիկան շատ անհրաժեշտ է, և որ ֆիզիկայի դասավանդման մեթոդների մեջ պետք է զգալի փոփոխություններ մտցնել։

«Կրթական ոլորտում խնդիրներ կան, և պետք է ձերբազատվել դրանցից»,- ասել է նա։

Պուտինը խոսել է չեմպիոններ ու օլիմպիադաներում հաղթողներ պատրաստող  մանկավարժների ու մարզիչների խրախուսման մեխանիզմների կատարելագործման մասին՝ խոստանալով դրանում տեղ գտած խնդիրները վերացնել։