Եկել է ժամանակը, որ մարդկությունը դառնա մարդկային

Ֆրանկոֆոն քաղաքապետների միջազգային ասոցիացիայի համաժողովի պատվիրակությունն այսօր այցելել է Ծիծեռնակաբերդի հուշահամալիր. տեղեկացնում է ՀՀ ԱԳՆ հաղորդում տեղեկատվության եւ հասարակայնության հետ կապերի վարչությունը:

Պատվիրակության անդամները ծաղկեպսակ են դրել Մեծ եղեռնի զոհերի հուշարձանին եւ ծաղիկներ` անմար կրակի մոտ: Նրանք շրջել են Հայոց ցեղասպանության թանգարան-ինստիտուտում, ծանոթացել թանգարանի ցուցադրությանը եւ գրառումներ կատարել թանգարանի պաշտոնական այցելությունների հուշամատյանում.

«Եկել է ժամանակը, որ մարդկությունը դառնա մարդկային»:

«Հարգանքի տուրք մատուցելով մարդկության դեմ զոհերի հիշատակին` ես, այնուամենայնիվ, տեսնում եմ, որ այս ժողովուրդն իր հերոսների եւ մշակույթի միջոցով կարողացել է վերականգնվել»:

«Պետք է բոլորս մի բան հիշենք` մենք բոլորս պետք է մեզ պատասխանատու զգանք ու խոսենք այդ մասին եւ դրանով մի փոքր փարատենք կոտորված այս ժողովրդի վերքերը»: