Այդպես չի լինելու, որ որևէ երթուղի պատկանի որևէ մեկին․ նախարար

Այսօր կառավարության նիստում հաստատվեց Հայաստանի տարածքում միասնական երթուղային ցանց ստեղծելու մասին հարցը։ Նիստից հետո լրագրողների հետ ճեպազրույցում կապի, տրանսպորտի և ՏՏ նախարար Վահան Մարտիրոսյանը նշեց․ «Այդպես չի լինելու, որ մի երթուղի պատկանի մեկին»,- ասաց նախարարն ու հավելեց, որ կլինի մեկ կամ երկու օպերատոր, այս պահին այդ հարցը դեռևս հստակեցված չէ:

Նախարարը տեղեկացրեց, որ ցանցի հիմնադրման հետ մեկտեղ կլինեն վերահսկողական կոնկրետ մեխանիզմներ: Մասնավորապես՝ կլինի տրանսպորտային կառավարման համակարգ, որը հնարավորոթյուն կտա մոնիտորի միջոցով տեսնել, թե որ տրանսպորտային միջոցը որտեղ է և երբ է շարժվելու:

Լրագրողները նախարարին հարցրեցին, թե ինչպե՞ս են հիմնում միասնական տրանսպորտային ցանց, եթե ՀՀ շատ ճանապարհներ անմխիթար վիճակում են:

«Շատ մեծ է խնդիրը, չենք կարող ասել, որ այս ինչ օրը կլուծվի և այդ օրը կլուծվի, դա զուգահեռ պետք է լուծել»,- ասաց Վահան Մարտիրոսյանը: