Փոխարժեքներ 22 10 2024
USD	⚊	$ 387.16
EUR	⚊	€ 419.99
RUB	⚊	₽ 4.03
GBP	⚊	£ 504.2
GEL	⚊	₾ 142.18

կարևոր

«Հայաստան» խմբակցությունը չի մասնակցելու ԱԺ-ում Կանոնակարգի քննարկմանը և քվեարկությանը. հայտարարություն
9 ժամ առաջ Քաղաքական
Վրաստանն ընտրության առաջ
9 ժամ առաջ Տարածաշրջան
Հայ դատի հանձնախումբը Եվրոպական Խորհրդարանում ստորագրահավաք է սկսել
9 ժամ առաջ Քաղաքական
Մոլդովան չի անցել ժողովրդավարության թեստը․ Վրաստանի վարչապետ
10 ժամ առաջ Աշխարհ
Ասում եք՝ ՀՀ տարածքից հանձնում չի եղել, լավ, լո՞ւրջ եք ասում․ Գառնիկ Դանիելյանը՝ փոխվարչապետին
10 ժամ առաջ Քաղաքական
Ստացվում է, որ ինչ անում եք Ադրբեջանի պահանջներին է համապատասխանում․ Քրիստինե Վարդանյանը՝ Մհեր Գրիգորյանին
10 ժամ առաջ Քաղաքական
Ադրբեջանում լավ գիտակցում են, որ իշխանության փոփոխությամբ քաղաքական նոր բովանդակություն կգա․ մենք դեռ ռեսուրսներ ունենք մեզ թափ տալու․ Լիլիթ Գալստյան
10 ժամ առաջ Քաղաքական
Հատվածային սահմանազատման ժամանակ Ադրբեջանը ստանալու է իր ուզածը և հետո ասելու է՝ եկեք դադարեցնենք գործընթացը․ Էլինար Վարդանյան
10 ժամ առաջ Քաղաքական
Ժողովրդական խոսքով ասեմ՝ սա փաստաթուղթ է նաղդի ու նիսյայի մասին, կտոր-կտոր Բաքվի պահանջներն եք կատարելու․ Գեղամ Մանուկյան
10 ժամ առաջ Քաղաքական
Պետության տասնամյակների ապագայի հարց է որոշվում, մարդու միակ հիմնավոր փաստարկը իր կարծիքն է ու թշնամու սպառնալիքները․ ադրբեջանագետ
10 ժամ առաջ Քաղաքական

0 դիտում,

5 տարի առաջ - 2019-01-31 20:52

Քաղաքական

Ռուբեն Ռուբինյանն ու ՀՀ-ում Ֆրանսիայի դեսպանը քննարկել են ղարաբաղյան հակամարտության խաղաղ կարգավորման հարցը

ԱԺ լրատվության և հանրության հետ կապերի վարչությունից տեղեկացնում են` ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը հունվարի 31-ին ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Ջոնաթան Լաքոտին և աշխարհաքաղաքական գիտությունների դոկտոր Ֆրեդերիկ Էնսելին:

Ողջունելով հյուրերին Ազգային ժողովում՝ Ռուբեն Ռուբինյանը հույս է հայտնել, որ խորհրդարանական համագործակցությունը միջազգային փորձագիտական հանրույթի ներկայացուցիչների հետ կլինի ավելի պարբերական և արդյունավետ:

Հանդիպման ընթացքում կողմերն անդրադարձել են տարածաշրջանային զարգացումներին և աշխարհաքաղաքական մի շարք իրադարձությունների:

Մասնավորապես, խոսելով ղարաբաղյան հակամարտության կարգավորման մասին՝ արտաքին հարաբերությունների մշտական հանձնաժողովի նախագահը նշել է, որ խաղաղ կարգավորումը Հայաստանի գլխավոր առաջնահերթությունն է: Նա կարևորել է հակամարտության կարգավորումը խաղաղ բանակցային գործընթացի միջոցով՝ Արցախի ժողովրդի կամարտահայտման իրավունքի համատեքստում:

Ռուբեն Ռուբինյանը կարևորել է բանակցային գործընթացում կառուցողական մթնոլորտի առկայությունը, անթույլատրելի համարել պետական մակարդակում ատելության խոսքի կիրառումը՝ որպես սպառնալիք հակամարտության խաղաղ կարգավորման կառուցողական գործընթացին:

Կողմերն անդրադարձել են նաև հետհեղափոխական շրջանում Հայաստանի որդեգրած բարեփոխումների քաղաքականությանը: Այս համատեքստում կարևորվել է արդար ընտրությունների անցկացումը՝ որպես ժողովրդավարության ուղղությամբ ձեռնարկված կարևոր քայլ: Ռուբեն Ռուբինյանը նշել է, որ Կառավարությունը վճռական է տնտեսական հեղափոխության, ժողովրդավարական, դատական բարեփոխումների իրականացման հարցում:

Անդրադարձ է կատարվել նաև Հայոց ցեղասպանության միջազգային ճանաչման խնդրին. կարևորվել է միջազգային ասպարեզում Հայաստանի՝ ցեղասպանությունների կանխարգելման գործում կարևոր դերակատարությունը:

Քննարկվել են նաև արտաքին հարաբերությունների մշտական հանձնաժողովի գործունեությանը վերաբերող հարցեր: Ռուբեն Ռուբինյանն այս առնչությամբ նշել է, որ հանձնաժողովը հանձնառու է լինել խորհրդարանական դիվանագիտության համակարգող օղակ:

Կողմերը կարևորել են նաև Հայաստանի և Ֆրանսիայի խորհրդարանների միջև առավել սերտ հարաբերությունների խթանումը, ինչպես նաև համագործակցությունը միջազգային կառույցներում: