Առատաշենի մոտ մեքենան բախվել է «ԶԻԼ»-ին ու ընկել ջրանցքը. կա տուժած

Հուլիսի 5-ին, ժամը 00:13-ին ահազանգ է ստացվել, որ Արմավիրի մարզի Առատաշեն գյուղի սկզբնամասում տեղի է ունեցել ՃՏՊ. բախվել են «ԶԻԼ» մակնիշի բեռնատարն ու «ՎԱԶ-21010» մակնիշի ավտոմեքենաները, վերջինս ընկել է հարակից ջրանցքը. կա տուժած, առկա է գազի արտահոսք. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ։

Պարզվել է, որ Արմավիրի մարզի Առատաշեն գյուղի վերջնամասում բախվել են «ԶԻԼ-130» մակնիշի 12 VO 485 (վարորդ՝ Գ. Խ.) և «ՎԱԶ-21010» մակնիշի 35 GT 061 պետհամարանիշերով (վարորդ՝ Հ. Ե.) ավտոմեքենաները:

Մինչ փրկարարների՝ կանչի վայր հասնելը՝ Հ. Ե.-ը տեղի ուժերով տեղափոխվել է Վաղարշապատի ԲԿ, որտեղ բժիշկները նրա առողջական վիճակը գնահատել են բավարար:

Փրկարարները փակել են ավոմեքենաների գազի բալոների փականները և հոսանքազրկել ավտոմեքենաները: