«Ռոսնեֆտ»-ը մտադիր է գնել Փոթիի նավահանգստի վերահսկիչ փաթեթը. վրացի պատգամավոր

Ռուսական «Ռոսնեֆտ» նավթային հսկան պատրաստվում է գնել Փոթիի նավահանգստի վերահսկիչ փաթեթը. հայտնում է Business Грузия-ն: Այդ մասին, պահպանելով աղբյուրի գաղտնիությունը, հայտնել է գործընկերներին  «Միացյալ ազգային շարժում» կուսակցության ներկայացուցիչ Ռոման Գոցիրիձեն: Նա  կոչ է արել իշխանություններին անմիջապես ընդունել օրենսդրական փոփոխություններ, որոնք պետք է դառնան «Ռուսաստանի կողմից երկրի իրավունքները խախտելու մշտական փորձերի» արձագանքը:

«Երկու տարի առաջ Վրաստանի կառավարությունը չի խանգարել «Ռոսնեֆտ»-ին` գնել Փոթիի տերմինալի 49 տոկոսը: Կառավարությունը, որը թույլ է տալիս երկրի օրենքների անտեսում, կա'մ անգործունակ է, կա'մ կոռումպացված: Կառավարությունն անհապաղ պետք է արձագանքի այդ փաստերին»,- ասել է Ռոման Գոցիրիձեն: