ՌԴ-ն պահանջել է ԱՄՆ-ից` հետաքննել սիրիական Սու-22-ի խոցման միջադեպը

 ՌԴ ԱԳՆ պաշտոնական ներկայացուցիչ Մարիա Զախարովան ավանդական ճեպազրույցի ժամանակ  հայտնել է, որ Ռուսաստանը պահանջում է ԱՄՆ-ից` մանրամասն հետաքննել միջադեպի հանգամանքները, երբ խոցվեց սիրիական ՌՕՈՒ-ին պատկանող Սու-22-ը. հայտնում է Газета.ру-ն:

«Ռուսական կողմը նման ակցիաները դիտարկում է որպես միջազգային իրավունքի աղաղակող խախտում, Սիրիայի ինքնիշխանության և տարածքային ամբողջականության խախտում, ՄԱԿ-ի կանոնակարգի նկատմամբ անհարգալից վերաբերմունք»,- ասել է նա: 

Հունիսի 18-ի երեկոյան ԱՄՆժի գլխավորած միջազգային կոալիցիան Ռաքքայում խոցել էր սիրիական Սու-22-ը: Ըստ Վաշինգտոնի` օդանավն իբր սկսել էր հարձակվել սիրիացի քրդերի վրա, որոնք ահաբեկչության դեմ պայքարում ԱՄՆ-ի գործընկերներն են: