Ինքը խնդրեց, որ ազատվի աշխատանքից. Տարոն Մարգարյանը` Գայանե Սողոմոնյանի` աշխատանքից ազատման մասին

Տեղեկացրել էինք, որ օրերս աշխատանքից ազատվել էր Երևանի քաղաքապետարանի հանրակրթության վարչության պետ Գայանե Սողոմոնյանը:

Երևանի քաղաքապետ Տարոն Մարգարյանից այսօր լրագրողները հետաքրքրվեցին, թե ո՞րն էր Սողոմոնյանի` աշխատանքից ազատման պատճառը, որին ի պատասխան` Մարգարյանը նշեց, թե` Սողոմոնյանից պետք է հարցնենք:

«Նա իր դիմումի համաձայն ազատվեց աշխատանքից: Սողոմոնյանն ինստիտուտում դաս է տալիս, և մեզ ասաց, որ ժամանակի խնդիր ունի և խնդրեց, որ ազատվի աշխատանքից: Ընդամենը սա է, քաղաքական որևէ հիմք չունի ազատումը»,-ասաց Մարգարյանը:

Իսկ հաջորդ հարցին, թե ինչ սկզբունքով է ընտրվել վարչության նորանշանակ պետը` քաղաքապետը պատասխանեց, թե Աննա Ստեփանյանը մեր դպրոցներից մեկի լավագույն տնօրեններից է.«Մենք ենք ուզել, որ տնօրեն լինի, որ մանրակրկիտ տեղյակ լինի բոլոր խնդիրներին»: