Տարոն Մարգարյանը վստահեցնում է՝ որեւէ մեկին աշխատանքից չի հեռացրել

Այսօր՝ հունվարի 28-ին, «Եռաբլուր» զինվորական պանթեոնում լրագրողների հետ զրույցում Երևանի քաղաքապետ Տարոն Մարգարյանը, պատասխանելով հարցին՝ ինչպե՞ս է գնահատում այն, որ ՀՀԿ-ի կարկառուն դեմքերից մեկը՝ Հովիկ Աբրահամյանը, լքեց կուսակցությունը, ասաց. «ՀՀԿ-ում շատ կարկառուն  ներկայացուցիչներ կան, և ամեն մեկն ինքն է ընտրում՝ որ ուղիով գնա»:

Խոսելով ՀՀԿ-ական պատգամավոր Մհեր Սեդրակյանի բարեկամին Էրեբունու թաղապետի պաշտոնից հեռանալու մասին, Մարգարյանը վստահեցրեց, որ վերջին ժամանակներս ինքը որևէ մեկին պաշտոնից չի հեռացրել, սեփական դիմումի համաձայն են դուրս գալիս, այդ թվում` և Էրեբունու նախկին թաղապետը:

ՀՀ քաղաքապետարանի կրթության ու վարչության պետ Գայանե Սողոմոնյանի մասին էլ ասաց, որ նա շարունակում է աշխատել և դեռ չի հեռացել իրենց թիմից: