Ադրբեջանցի ընդդիմադիր լրագրողին թողեցին կալանքի տակ

Այսօր Բաքվի վերաքննիչ դատարանը քննել է ադրբեջանցի ընդդիմադիր լրագրող Աֆղան Մուխթարլիի բողոքը` կապված Սաբաիլի շրջանային դատարանի որոշման հետ. հայտնում է АПА-ն: Դատարանը չի բավարարել բողոքը:

Մուխթարլիին Բաքվում մեղադրանք է ներկայացվել իշխանության ներկայացուցչի նկատմամբ ուժային դիմադրություն ցույց տալու վերաբերյալ: Նա նաև մեղադրվում է Ադրբեջանի սահմանն անօրինաբար հատելու և մաքսանենգության մեջ:

 Հիշեցնենք, որ լրագրողի փաստաբանը Кавказский узел-ին հայտնել էր, որ Վրաստանում անհայտ անձինք նրան ուժով նստեցրել են «Օպել» մակնիշի մեքենա և հասցրել Ադրբեջանի սահմանապահ ուղեկալներից մեկն ու նրա մոտ 10 հազար եվրո թողել, որպեսզի հետագայում մեղադրեն մաքսանենգության  և սահմանը անօրինաբար հատելու մեջ: