Եվրախորհրդարանը ադրբեջանցի ընդդիմադիր լրագրողին աջակցող բանաձև է ընդունել

Եվրախորհրդարանն ընդունել է «Մուխթարլըի գործը և Ադրբեջանում ԶԼՄ-ների վիճակը» բանաձևը, որում աջակցություն է հայտնել է ադրբեջանցի ընդդիմադիր լրագրող Աֆղան Մուխթարլըին. հայտնում է sputnik-georgia.ru-ն:

Եվրախորհրդարանի պատգամավորները դատապարտել են Թբիլիսիում Մուխթարլըի առևանգումը և հետագայում Բաքվում նրա ձերբակալությունը: Նրանք կոչ են արել Վրաստանին` ապահովել լրագրողի` ուժի գործադրմամբ անհետացման օպերատիվ, թափանցիկ հետաքննությունը և մեղավորներին պատասխանատվության ենթարկել:

Եվրախորհրդարանը նաև կոչ է արել Բաքվին` ազատ արձակել լրագրողին, ինչպես նաև այն անձանց, որոնց իրավունքները, այդ թվում` ազատ արտահայտման, ոտնահարվել են: