ԵԽԽՎ անդամներին մեղադրում են Ադրբեջանից կաշառք վերցնելու մեջ

ԵԽԽՎ մի շարք պաշտոնյաներ մեղադրվում են կաշառքի դիմաց Ադրբեջանի օգտին որոշումներ կայացնելու մեջ. հայտնում է vesti-ukr.com-ը: Եվրոպայի խորհուրդը տվյալ գործով սկսել է հետաքննություն:

Ենթադրվում է, որ Ադրբեջանը 2013 թվականին մեծապես ազդել է ԵԽԽՎ որոշման վրա. այդ ժամանակ կառույցը  մերժել էր գերմանացի պատգամավոր Քրիստոֆ Շտրասերի կողմից ներկայացված զեկույցը, որը վերաբերում էր Ադրբեջանում մարդու իրավունքների ոտնահարումներին ու   քաղբանտարկյալների վիճակին: Ըստ BBC-ի`ԵԽԽՎ անդամներից մեկին  վճարվել է ավելի քան 2.5 մլն ԱՄՆ դոլար, որպեսզի զեկույցը չընդունվի:

Հետաքննության արդյունքները Եվրոպայի խորհուրդը կհրապարակի 2017 թվականի վերջին: