Ձերբակալվել է կաշառք վերցնելու պահին

Հայաստանի ոստիկանության կազմակերպված հանցավորության դեմ պայքարի գլխավոր վարչության 2-րդ վարչության աշխատակիցները 10.300 ԱՄՆ դոլար կաշառք վերցնելու պահին ձերբակալել են Երեւանի քաղաքապետարանի «Քաղաքաշինություն» ՓԲԸ-ի գեոդեզիայի բաժնի առաջին կարգի մասնագետ, 28-ամյա Ռուստամ Ռուբենի Մաթեւոսյանին: Նա կաշառքն ստացել է Երեւանի բնակիչ Ա. Հայրապետյանից:

Ռուստամ Մաթեւոսյանը այդ գումարի դիմաց պետք է  Հայրապետյանին օգներ, որպեսզի Քանաքեռ–Զեյթուն համայնքի Կորեայի ձորի Մանկական թաղամասում 1000 քմ ապօրինի զավթված հողակտորը չափագրեր եւ օրինականացներ:

Բացի այդ, Երեւանի Մանուկյան փողոցում զավթած հողակտորը նույնպես չափագրելու, փաստաթղթեր ձեւակերպելու, դրանց հիման վրաքաղաքապետարանի կողմից կայացված որոշումը նույն անձին հանձնելու համար Ռ.Մաթեւոսյանը նրանից պահանջել եւ ստացել է 800 ԱՄՆ դոլար կաշառք։

Փաստի առթիվ հարուցվել է քրեական գործ՝ Քօրի 311 պրիմ հոդվածի հատկանիշներով (պաշտոնատար անձի կողմից դրամի գույքի նկատմամբիրավունքի կամ արժեթղթերի կամ գույքային այլ օգուտի ձեւով կաշառք ստանալը), տեղեկացնում է «Հայլուրը»: