Երևանում 26-ամյա երիտասարդ է ինքնասպան եղել

Ոստիկանության լրատվական բաժնից Yerkir.am-ին հայտնեցին, որ ոստիկանություն շտապօգնությունից ահազանգ է ստացվել, որ Երևանում երիտասարդ է ինքնասպան եղել:

«Մայիսի 25-ին` ժամը 12:05-ի սահմաններում, շտապօգնությունից ահազանգ ենք ստացել, որ Երևանում երիտասարդ է ինքնասպան եղել: Հայտնել են, որ կանչով դեպքի վայր մեկնած իրենց խումբը Սոսե 6 հասցեում հայտնաբերել է երիտասարդ տղայի դի: Պարզվել է, որ երիտասարդը  Սոսեի փողոցի թիվ 6 շենքի 3-րդ հարկի շքամուտքից ինքնասպանություն գործելու նպատակով ցած է նետվել»,- ասացին ոստիկանության լրատվական բաժնից:

Պարզվել է նաև երիտասարդի ինքնությունը` 1991 թվականին ծնված Տ.Խ.-ն է:

Նշանակվել է դատաբժշկական փորձաքննություն, կատարվում է քննություն: