Բա մյուսները ո՞նց են ձայն հավաքել. Ռոբերտ Սարգսյանը բարկացավ

Կառավարության ընդունելությունների տանը պատգամավորական մանդատների հանձնման արարողությունից առաջ ՀՀԿ խմբակցության պատգամավոր Ռոբերտ Սարգսյանը պատասխանեց լրագրողների մի քանի հարցերին: Նա վրդովվեց դիտարկումնից, թե կարծիքներ կան, որ իր աներոջ` Տարոն Մարգարյանի վարչական ռեսուրսների ներդրման շնորհիվ է շատ ձայներ հավաքել:

«Ո՞վ է ասում, բա մյուսները ո՞նց են ձայն հավաքել, իմ աշխատանքի շնորհիվ են այդ ձայները»,- ասաց նա՝ հավելելով, որ ժողովրդի հետ է պարբերաբար հանդիպել: Հարցին՝ ի՞նչ աշխատանք եք խորհրդարանում կատարել, եթե որևէ օրենսդրական նախաձեռնությամբ հանդես չեք եկել, ելույթներ չեք ունեցել, Սարգսյանը պատասխանեց, որ նախագծեր է ներկայացրել և հանձնաժողովներում ու լիագումար նիստերում աշխատանքներ է տարել: Հարցին, թե նորընտիր խորհրդարանում էլ է՞ նման կերպ աշխատելու, Սարգսյանը պատասխանեց. «Կտեսնեք»:

Նշենք, որ Ռոբերտ Սարգսյանը Երևանի քաղաքապետ Տարոն Մարգարյանի աներորդին է: