Աստված տա` օպերայի թատրոնի ուղտը Սունդուկյանի թատրոնի դռանն էլ չոքի

Առաջին անգամ օպերայի թատրոնի պատմության մեջ թատրոնի տնօրենի համար մրցույթ է հայտարարվել: «Աստված տա` այդ ուղտը Սունդուկյանի թատրոնի դռանն էլ չոքի»,- լրագրողների հետ զրույցում նշեց թատեագետ Լևոն Մութաֆյանը:

Ըստ նրա` օպերայի թատրոնն այժմ խղճալի վիճակում է, քանի որ խաղացանկում կա 4-5 օպերա, 2-3 բալետային ներկայացում:

«Թատրոնը որդեգրել է մի սկզբունք, որը հակաթատերական է` ցուցադրել օպերային ներկայացման համերգային տարբերակներ: Այ մարդ, Էդուարդ Թոփչյանը շատ լավ համերգներ է կազմակերպում, դուք օպերան և բալետը զարգացրեք: 1970-ականներին մեր օպերան լավագույն օպերաների տասնյակում էր` խաղացանկային բազմազանության և ռեժիսուրայի արդյունքում»,- ասաց Մութաֆյանը: