«Հայ բիճերը մեզ չեն վհատեցնի». հերթական սկանդալը՝ Էրդողանի մասնակցությամբ

Թուրքիայի նախագահ Ռեջեփ Թայիփ Էրդողանի մասնակցությամբ հերթական սկանդալն է տեղի ունեցել Տրապիզոնում (թուրքերեն՝ Տրաբզոն):

Ըստ Haber.sol.org-ի՝ Էրդողանն իր ելույթում պարծեցել է, թե թուրք ազգը մինչ օրս գոյություն ունի:

«Հիշեք, թե ինչ էի ասում ձեզ: Մի օր պիտի մեռնենք, չէ՞: Պիտի մեռնենք, բայց ասեմ՝ կա մարդավայել մեռնել… Մի բան կասեի, բայց դա չեմ ասի: Մեկ էլ կնոջ պես մեռնել... »,- հայտարարել է նա, ինչին զուգահեռ` հավաքված ամբոխն սկսել է հակահայկական վանկարկումներ անել:

«Հայ բիճերը մեզ չեն վհատեցնի» վանկարկող ամբոխին լռեցնելու կամ դիտողություն անելու փոխարեն՝ Էրդողանը շարունակել է ելույթը: Համացանցում տարածված տեսանյութում երևացել է նաև Էրդողանի և նրա կողքին կանգնածների լայն ժպիտը՝ հայատյաց վանկարկումների ընթացքում:

Տեսանյութը՝ այստեղ: