ՌԴ ԱԳՆ-ն հայտարարություն է տարածել Սիրիայում ԱՄՆ-ի գործողությունների մասին

Ամերիկյան կողմը հասկանում էր, որ Սիրիայի կառավարական ուժերը քիմիական զենք չեն կիրառել, որը Դամասկոսը չունի, իսկ Սիրիայում ավիահարվածներ հասցնելու որոշումն ավելի վաղ է կայացվել: Այդ մասին ասվում է ՌԴ ԱԳՆ-ի պաշտոնական հաղորդագրությունում. հայտնում է Газета.ру-ն:

«Ցանկացած մասնագետի համար պարզ է, որ ավիահարվածներ հասցնելու որոշումը Վաշինգտոնը կայացրել է Իդլիբում տեղի ունեցած դեպքերից առաջ, և որպես պատրվակ օգտագործել ուժը ցուցադրելու համար»,-ասվում է հաղորդագրությունում:

ՌԴ ԱԳՆ-ում նաև նշել են, որ նման գործողություններով ԱՄՆ-ն փորձում է  ուշադրություն շեղել Մոսուլում կատարված դեպքերից, որտեղ ԱՄՆ-ի գլխավորած կոալիցիայի գործողությունների արդյունքում հարյուրավոր խաղաղ բնակիչներ են զոհվել: