Պուտինը, Մերկելը և Օլանդը քննարկել են ահաբեկչության դեմ պայքարը և Դոնբասը

Գերմանիայի կանցլեր Անգելա Մերկելը և Ֆրանսիայի նախագահ Ֆրանսուա Օլանդը հեռախոսազրույց են ունեցել ՌԴ նախագահ Վլադիմիր Պուտինի հետ և քննարկել մի շարք հարցեր, այդ թվում` ահաբեկչության դեմ պայքարը և իրավիճակը Դոնբասում. հայտնում է Կրեմլի պաշտոնական կայքը:

Կողմերն ընդգծել են ահաբեկչության դեմ պայքարում համագործակցության կարևորությունը և պայմանավորվել ակտիվացնել տեղեկատվության փոխանակումը Գերմանիայի, Ֆրանսիայի և Ռուսաստանի հակաահաբեկչական ծառայությունների միջև:

Զրույցի ընթացքում հատուկ ուշադրություն է հատկացվել Դոնբասում կայուն հրադադարի ապահովման քննարկմանը: Պուտինը կոչ է արել վերջ դնել շրջանի շրջափակմանը, որն իրականացնում է Կիևը: