Մերկելը և Օլանդը կոչ են արել Պուտինին` միջնորդի դեր ստանձնել

Գերմանիայի կանցլեր Անգելա Մերկելը և Ֆրանսիայի նախագահ Ֆրանսուա Օլանդը այսօր հեռախոսազրույց  են ունեցել ՌԴ նախագահ Վլադիմիր Պուտինի հետ. հայտնում է Россия Сегодня-ն:

Նրանք ընդգծել են երեկ Բեռլինում կայացած` Գերմանիայի, Ֆրանսիայի, Ուկրաինայի և Ռուսաստանի ԱԳՆ ղեկավարների հանդիպման ընթացքում ձեռք բերված համաձայնության իրականացման կարևորությունը: ԱԳՆ ղեկավարները համաձայնություն են ձեռք բերել Ուկրաինայի արևելքում իրավիճակի կայունացմանն ուղղված միջոցառումների փաթեթի շուրջ:

Մերկելը և Օլանդը նաև կոչ են արել Պուտինին` ստիպել աշխարհազորայիններին բանակցությունների սեղանի շուրջ նստել:

Մոտակա ժամերին կկայանա ղեկավարների՝ Ուկրաինայի նախագահ Պյոտր Պորոշենկոյի հետ հեռախոսազրույցը: