Մերձմոսկվայում «Մերսեդես»-ի բեռնախցում հայտնաբերվել է 2 հայի դի

ՌԴ Մերձմոսկվայի Լենինսկի շրջանի Ռազվիլկա գյուղում «Մերսեդես» մակնիշի մեքենայի բեռնախցիկում հայտնաբերվել է երկու հայի դի: Սպանվածներից մեկը ՀՀ քաղաքացի Խորեն Մարգարյանն է, երկրորդը՝ Աբխազիայի բնակիչ Միքայել Լալայանը: Իրավապահների վարկածով՝ տղամարդկանց սպանելուց առաջ խոշտանգել են. հայտնում է Московский Комсомолец-ը:

Վիշնյովայա փողոցում կայանված ավտոմեքենան երկուշաբթի երեկոյան հայտնաբերել է մոտակա տներից մեկի բնակիչը: Նրան կասկածելի է թվացել, որ անծանոթ ավտոմեքենան երկար ժամանակ կանգնած է իր տան մոտ: Տղամարդը ոստիկանություն է կանչել: Իրավապահները որոշել են զննել կասկածելի ավտոմեքենան: Բեռնախցիկում տղամարդու երկու մարմին են գտել: 

Հարուցվել է քրեական գործ՝ «սպանության» և «զենքի ապօրինի շրջանառության» մասին հոդվածներով: