Վերականգնվող էներգետիկայի ոլորտում ներդրումներ կներգրավվեն

Մարտի 22-ին ԱՄԷ Աբու Դաբի քաղաքում կայացած Հայաստան-Արաբական Միացյալ Էմիրություններ ներդրումային համաժողովի շրջանակներում «Հիդրո Կորպորացիա» ընկերությունների խմբի և Estekshaf Investment Company միջև կնքվել է վերականգնվող էներգետիկայի, մասնավորապես` հիդրոէներգետիկայի ոլորտում ներդրումների իրականացման Փոխըմբռնման հուշագիր:

Հիդրոկորպորացիայի հիմնադիր Գրիգոր Առաքելյանի դիտարկմամբ` սույն Հուշագիրը հիմք է դառնալու առաջիկայում կողմերի միջև կնքվող համագործակցության պայմանագրի համար:

«Բանակցում ենք վերականգնվող էներգետիկայի ոլորտում լայնամաշտաբ և երկարաժամկետ ծրագրերի իրականացման շուրջ՝ մի քանի փուլերով: Ծրագրերի նպատակն է իրականացնել արտադրողականության ցածր մակարդակ և վարկային ծանր պորտֆել ունեցող, բնապահպանական նորմերի խախտումներով կառուցված ՓՀԷԿ-երի արդիականացում»,- նշեց Գ. Առաքելյանը: