Հայաստանը և Ռուսաստանը անկեղծ խաղ են տանում. Россия-ի ռեպորտաժը

Կիրակի Россия-ի հեռուստաալիքի եթերում Вести недели-ի շրջանակում ցուցադրվել է Հայաստանի և Ռուսաստանի հարաբերություններին նվիրված ռեպորտաժ` «Հայաստանը և Ռուսաստանը անկեղծ խաղ են տանում» վերնագրով: 

Նյութում խոսվում  է այն մասին` ինչպես է Հայաստանը դառնում ոչ միայն պատմական հայրենիք, այլ նաև հարազատ տուն սիրիահայերի համար:

«Հայաստան է ժամանել արդեն 20 հազար մարդ: Հաշվի առնելով երկրի 3 միլիոնանոց բնակչության թիվը` Հայաստանը ընդունած ներգաղթյալների թվով եվրոպական երրորդ երկիրն է»,- ասվում է ռեպորտաժում:

Նյութում ցուցադրվում են նաև Ռուս-հայկական բարեկամության հուշարձանը և նոր բացված «Արարատ-73» հուշարձանը:

Անդրադարձ է կատարվում  նաև Հայաստանի տնտեսության զարգացմանը` տրանսպորտային շրջափակման և ԵՏՄ-ի հետ ամրացող կապերի պայմաններում:

«Ռուսաստանն ամենախոշոր ներդրողն է Հայաստանում, և կան ակնկալիքներ, որ տնտեսական հարաբերությունների մակարդակը  ավելի կբարձրանա` նոր վարչապետ Կարեն Կարապետյանի նշանակման հետ կապված»,- ասվում է ռեպորտաժում:

Անդրադարձ է կատարվում նաև ռուսաց լեզվին, որը հատուկ կարգավիճակ ունի Հայաստանում. երկրում գործում է ռուսագիտության` աշխարհի ամենահին դպրոցներից մեկը:

Առավել մանրամասն` տեսանյութում: