Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 7 տարի առաջ - 2017-03-02 12:55
Քաղաքական

Նաիրա Զոհրաբյանի ասածներն ինձ համար վերջին ճշմարտություններ չեն. Շարմազանով

Նաիրա Զոհրաբյանի ասածներն ինձ համար վերջին ճշմարտություններ չեն. Շարմազանով

Արարատի մարզում «Ծառուկյան» դաշինքի թիմակցին դանակահարած անձը կապ չունի Մուրադ Մուրադյանի հետ. այսօր խորհրդարանում լրագրողներին ասաց ՀՀ ԱԺ փոխնախագահ Էդուարդ Շարմազանովը։

Դիտարկմանը, թե Նաիրա Զոհրաբյանը հակառակն է պնդում, նա արձագանքեց. «Նաիրա Զոհրաբյանը Հռոմի պապը չէ, որ ինչ ասի, ընդունվի։ Նաիրա Զոհրաբյանը հարգարժան գործընկեր է, իր կարծիքն արտահայտել է, իրավապահ մարմիններն էլ կասեն իրենց խոսքը։ Շատ հարգանք ունենալով տիկին Զոհրաբյանի նկատմամբ՝ այնուամենայնիվ, Նաիրա Զոհրաբյանի ասածներն ինձ համար վերջին ճշմարտությունները չեն»։

Արձագանքելով դիտարկմանը, թե, դեռ քարոզարշավը չսկսված, բախումներ են լինում, և գլխավոր դերերում ՀՀԿ-ն է, Շարմազանովն ասաց. «1998 թվականից այս կողմ գլխավոր դերում ՀՀԿ-ականներն են, այսինքն՝ իշխանություն են, իսկ իշխանությունը պիտի լինի գլխավոր դերում»: Նա նշեց, որ մի գործընթացում, որտեղ 1000-ից ավելի թեկնածուներ են ներառված, չի կարող ամեն ինչ լինել առանց միջադեպերի: «Բայց մենք ամեն ինչ անելու ենք, որպեսզի այդ միջադեպերն ավարտվեն ու չկրկնվեն։ «Հանրապետականը դատապարտում է այդ երևույթները և որևէ միջադեպի վրա աչք չի փակելու»,- ասաց Շարմազանովը:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը