Աշակերտները գազի արտահոսքից են թունավորվել. հիվանդանոցում հինգ երեխա կա

Տեղեկացրել էինք, որ այսօր Արմավիրի մարզում արտակարգ դեպք է տեղի ունեցել. Արտաշարի միջնակարգ դպրոցից 7 աշակերտ թունավորման ախտանիշներով տեղափոխվել է հիվանդանոց:

Արտաշարի միջնակարգ դպրոցից Yerkir.am-ին հայտնեցին, որ դպրոցը ջեռուցվում է գազի վառարաններով: «Վառարանի խողովակը տեղաշարժված էր, ինչի պատճառով էլ գազի արտահոսք է եղել: Երևի երեխաները վազվզել ու վառարանին են դիպել, խողովակն էլ տեղից մի փոքր դուրս էր եկել»,- ասացին դպրոցից` հավելելով, որ նման դեպք նախկինում չի եղել:

Հիշեցնենք, որ Մեծամորի հիվանդանոցից տեղեկացրել էին, որ հիվանդանոց է տեղափոխել 8 երեխա. երեքը դուրս են գրվել, հինգը` հոսպիտալացվել: Երեխաների վիճակը բավարարին մոտ է: