Սիրիայի նախագահն ու առաջին տիկինը հանդիպել են ԻՊ-ի կողմից առևանգվածների հետ

Սիրիայի նախագահ Բաշար ալ Ասադը և առաջին տիկին Ասման նախագահական պալատում ընդունել են Լաթաքիայի գյուղերի տասնյակ կանանց և երեխաների, որոնք ավելի քան 3.5 տարի առևանգված են եղել ԻՊ անդամների կողմից. տեղեկացնում է «Գանձասար»-ը:

«Երկար սպասեցինք այս պահին… Երեք տարի շարունակ ամեն օր մարդիկ հարցնում էին ձեր մասին, իսկ պետությունն իր բոլոր կառույցներով ձեզ էր փնտրում… Յուրաքանչյուր զինվորի նպատակն էր տեսնել ձեր վերադարձը»,- հանդիպման ժամանակ նշել է նախագահը՝ նրանց հորդորելով վերադառնալ իրենց գյուղերը: «Մենք միշտ ձեր կողքին ենք և չենք լքելու ձեզ»,- հավելել է Ասադը:

Առաջին տիկինն իր հերթին հայտարարել է, որ առևանգվածների ցուցաբերած կամքն ի սպաս է դրվելու նրանց կյանքի վերակարգավորմանը, փոխհատուցվելու է երեխաների կորած մանկությունը,  կրթության՝ կորած տարիները: