Հիթրոու օդանավակայանում մոտ 100 չվերթ է չեղարկվել թանձր մառախուղի պատճառով

Լոնդոնի Heathrow օդանավակայանում շուրջ 100 չվերթ է չեղարկվել վատ տեսանելիության պատճառով, Մեծ Բրիտանիայի մայրաքաղաքում թանձր մառախուղ է, փոխանցում է РИА Новости-ն՝ հղում անելով Sky News հեռուստաալիքին:

«Հունվարի 23-ին Լոնդոնում սպասվում է մառախլապատ եղանակ. ուղևորներից ոմանք կարող են հարկադիր փոփոխությունների բախվել իրենց ուղևորություններում: Heathrow օդանավակայանն ուղևորներին խորհուրդ է տալիս օդանավակայան ժամանելուց առաջ իրենց չվերթի վերաբերյալ տեղեկատվությունն ստուգել ավիաընկերությունում»,-ասված է օդանավակայանի հայտարարության մեջ, որը հրապարակվել Է Heathrow-ի պաշտոնական կայքում:

Հեռուստաալիքի տվյալով՝ Մեծ Բրիտանիայի օդերևութաբանական ծառայությունը վտանգի «դեղին» մակարդակ է հայտարարել Լոնդոնում հաստատված եղանային պայմանների կապակցությամբ: