Բան չի մնացել վրաս, ինձ նայեք, ի՞նչը կշռվեմ. Լյովա Խաչատրյան

Yerkir.am-ի ամանորյա հումորային հարցերին պատասխանում է ԲՀԿ-ական պատգամավոր Լյովա Խաչատրյանը:

 -Եթե վաղ առավոտյան բոլորը խայտառակ եղածի պես ամաչում են, ուրեմն Նոր տարին ստացվե՞լ է…

-Պախմելից են ելա՞ծ, ոչինչ, թող թթվի ջուր խմեն, կարող է օյաղանան միանգամից:

  -Ձմեռ պապն ինչո՞ւ է նախընտրում եղնիկներով երթևեկել, այլ ոչ թե` «Բենթլի»-ով:

-Նրա ճաշակն ավելի բարձր է, քան այսօրվա` հանկարծակի հարստացողներին է: Ապրած կյանք ունի, գիտի` որտեղ ինչով է երթևեկելու:

  -Ձմեռ պապից մանդա՞տ եք խնդրել, թե՞ տնտեսական աճ:

-Ո’չ մեկը, ո’չ մյուսը, մանդարին:

  -Ամանորի գիշերը երազանք պահեցի՞ք, որ ինչ-որ ընդդիմադիր գործիչ խորհրդարանում այլևս չհայտնվի 2017-ի ընտրություններից հետո:

   -Ում ժողովուրդը ձայն կտա, թող նա էլ գա, բայց` ժողովրդի ձայնով:

 -Վարչապետի հանձնարարականը` ով ինչ ուզի, այսուհետ կարող է ազատ ներկրել, տարածվե՞ց Ձմեռ պապի բերած նվերների վրա:

-Կասկածում եմ:

   -Ո՞ր կենդանու հետ կասոցացնեք Նոր տարին:

-Մարդ կենդանու հետ:

  -Քանի՞ բաժակ խմելուց հետո եք մոռանում` ով եք, ում եք հյուր գնացել:

-Երբեք չեմ մոռանում, միշտ հիշում եմ և ուրախ եմ, որ չեմ մոռանում: Խմում եմ ինչպես բոլոր նորմալ մարդիկ:

 -Երազանքների Ձյունանուշը, ում կողքին Ձմեռ պապ կլինեիք:

- Դժվար հարց է, ես ամուրի մարդ եմ, այդպիսի սենտիմենտալ բաներից չեմ հասկանում, էդպիսի հարց ինձ մի տվեք:

 -Ամենամեծ դասը, որ քաղեցիք 2016-ին:

-Կարծես, ոչ մի լավ բան չկարողացա անել:

 -Տոներից հետո կշռվո՞ւմ եք:

 -Բան չի մնացել ինձ վրա, ինձ նայեք, ի՞նչը կշռվեմ (ծիծաղում է):