Ֆրանգուլյանն ու Բորանյանը սկսում են աշխարհի առաջնության մեդալների համար պայքարը

Բուդապեշտում առաջին անգամ կայանելու է ոչ օլիմպիական քաշային կարգերի ըմբշամարտի աշխարհի առաջնությունը, որին մասնակցում է նաև Հայաստանի հավաքականը. տեղեկացնում է ՀԸՖ-ի պաշտոնական կայքը:

Հունահռոմեական ոճի ըմբշամարտի մրցաշարում, ՀՀ ազգային ընտրանու գլխավոր մարզիչ Լևոն Ջուլֆալակյանի ղեկավարությամբ, հանդես են գալու Վարշամ Բորանյանն (71 կգ) և Սարգիս Քոչարյանն (80 կգ), իսկ ազատ ոճի ըմբշամարտի մրցաշարում, այս մարզաձևի ՀՀ ազգային հավաքականի գլխավոր մարզիչ Արայիկ Բաղդադյանի ղեկավարությամբ, Վոլոդյա Ֆրանգուլյանն (61կգ) ու Գրիգոր Գրիգորյանը (70 կգ):

Երեկ կայացած վիճակահանության արդյունքներով` Ֆրանգուլյանն ու Բորանյանը իմացան իրենց առաջին մրցակիցներին: Առաջին արգելքը հաջողությամբ հաղթահարելու դեպքում Բորանյանը 1/8-րդ փուլում ուժերը կչափի վիճակահանությամբ միանգամից այդ փուլից պայքարը սկսող Մոլդովայի պատվիրակ Դանիել Կատարագայի, իսկ Մարգարյանն էլ կհանդիպի Ռիդոն Ժան, Չինաստան-Լեոս Դրմոլա, Սլովակիա զույգի հաղթողի հետ: