ՄԱԿ-ի հատուկ զեկուցողը Թուրքիայում է. Փայլանը ձերբակալությունների մասին զեկուցել է նրան

ՄԱԿ-ի հատուկ զեկուցող Դևիդ Քայեն այցելել է Թուրքիա՝ հանդիպելով քրդամետ Ժողովուրդների դեմոկրատական կուսակցության անդամների հետ:

Ըստ Demokrathaber-ի՝ հանդիպումը կայացել է խորհրդարանում` ԺԴԿ խմբակցության գրասենյակում, պատգամավորներ Կարո Փայլանի, Ֆիլիզ Քերեսթեջիօղլուի և Օսման Բայդեմիրի մասնակցությամբ:

Հանդիպման առաջնահերթ հարցը եղել է քրդամետ կուսակցության համանապագահների և պատգամավորների ձերբակալության հարցը: Անդրադարձ է արվել նաև Թուրքիայի տարբեր նահանգներում տեղի ունեցող ապօրինություններին: Քայեն անդրադարձել է նաև կալանքի տակ գտնվողների դեմ բռնություններին և ոտնձգություններին: ԺԴԿ պատգամավորնեն այդ մասին զեկուցել են ՄԱԿ-ի հատուկ զեկուցողին:

Նշենք, որ ԺԴԿ-ն իր ձերբակալված  պատգամավորների դեմ ոտնձգությունների գործը ուսումնասիրելու համար ՄԱԿ-ի մասնագետներին կոչ էր արել այցելել Թուրքիա: