Սեւանում դեռ չեն գտել կորած ձկնորսին

Սևանա լճում` Նորատուս գյուղի մոտակայքում, այսօր կրկին վերսկսվել են կորած ձկնորսի որոնողական աշխատանքները, որոնք կրկին եղել են անարդյունք, տեղեկանում ենք ՀՀ արտակարգ իրավիճակների նախարարության կայքից։

Հիշեցնենք, որ հոկտեմբերի 31-ին, ժամը 14.33-ին Գեղարքունիքի մարզի Նորատուս գյուղի մոտակա լճափից երկու քաղաքացի նավակով մտել են Սևանա լիճ ձկնորսության և չեն վերադարձել։ Պարզվել էր, որ կորել են Նորատուս գյուղի բնակիչներ Ա. Ա.-ը և Ա. Կ.-ը։ Ավելի քան մեկ շաբաթ տևած որոնողափրկարարական աշխատանքներից հետո նոյեմբերի 9-ին, ժամը 16.03-ին ջրափրկարարները ափից մոտ 13 կմ հեռավորությունից հայտնաբերել են 1992 թ. ծնված Ա. Ա.-ի դին: