Մի շարք երկրներ ցանկություն են հայտնել անդամակցել ԵՏՄ-ին. Ադրբեջանն այդ ցանկում չէ

Ադրբեջանը երբևէ ԵՏՄ մտնելու ցանկություն պաշտոնապես չի հայտնել. այսօր լրագրողներին ասաց Հայաստանում Ռուսաստանի արտակարգ և լիազոր դեսպան Իվան Վոլինկինը` պատասխանելով հարցին, թե ի՞նչ դիրքորոշում ունի փորձագետների հնչեցրած կարծիքների վերաբերյալ, որ Ադրբեջանն ուզում ԵՏՄ մտնել:

Ըստ դեսպանի` ինքը չի կարող խոսել Ադրբեջանի` ԵՏՄ մտնել-չմտնելու մասին, փոխարենը կարող է խոսել այն երկրների մասին, որոնք ցանկություն են հայտնել մտնել ԵՏՄ: «Իսկ նման երկրների թիվը քիչ չէ: ԵՏՄ-ն արդեն ազատ առևտրի համաձայնագիր է ստորագրել Վիետնամի և Սերբիայի հետ: Նման համաձայնագրեր են մշակվում Հնդկաստանի, Եգիպտոսի, Մոնղոլիայի, Հարավային Կորեայի, Կաբոջայի և Սինգապուրի հետ»,- ասաց Իվան Վոլինկինը: