Ջավադյանի պաշտոնանկության մասին լուրերը մեկնաբանեց նրա տեղակալը

Այսօր լրագրողները փորձեցին ԿԲ նախագահի տեղակալ Ներսես Երիցյանից ճշտել տեղեկություններն այն մասին, որ կադրային փոփոխությունները չեն շրջանցելու նաև ԿԲ նախագահ Արթուր Ջավադյանին, և որ ԿԲ-ում ընթանում են լուրջ կրճատումներ: Ներսես Երիցյանը չցանկացավ այդ հարցերին պատասխանել, միայն ասաց, որ ԿԲ նախագահին փոխելու հետ կապված լուրերը թյուրիմացություն են, և ԿԲ նախագահին ընտրում է ԱԺ-ն:

Նշենք, որ ԱԺ-ի կողմից ընտրվելու հանգամանքը կապ չունի այն բանի հետ, որ ԿԲ նախագահը որոշի հրաժարականի դիմում ներկայացնել ու ազատվել աշխատանքից` իր դիմումի համաձայն: Այնպես, ինչպես վարվեց ՀՀ նախկին գլխավոր դատախազ Գևորգ Կոստանյանը, որին նույնպես ընտրել էր ԱԺ-ն, սակայն նա ազատվել էր աշխատանքից ՝ իր դիմումի համաձայն:

ԿԲ նախագահի տեղակալը հրաժարվեց պատասխանել նաև ԿԲ-ում ընթացքող կրճատումների մասին հարցին: