Արարատի մարզպետի պաշտոնանկության մասին լուրերը նոր թափ են ստանում. «Հրապարակ»

«Արարատի մարզպետ Ռուբիկ Աբրահամյանի պաշտոնանկության մասին լուրերը նոր թափ են ստանում: Մայիսի 8-ին լրացել է նրա պաշտոնավարման 1 տարին, սակայն այդ օրն անցել է բավական անշուք:

Մարզի պաշտոնյաները «լայաղ չեն արել ծանր ու մեծ գնան մարզպետին շնորհավորելու»: Կարծես բոլորի համար հստակ է, որ նա գնացող է, ուստի կարիք չկա սիրաշահել հեռացող ղեկավարին: Փոխարենը մարզի նախկին և ներկա չինովնիկներն ակտիվացել և ուղիներ են որոնում իրենց ապագա մարզպետ, իսկ առայժմ դեռ Արտաշատի քաղաքապետի թեկնածու վարչապետի որդու՝ Արգամ Աբրահամյանի հետ լավ հարաբերություններ հաստատելու համար: Ի դեպ, ասում են, թե մարզպետարանում ենթակա հիմնարկների ղեկավարների հետ հանդիպումներին, երբ վերջիններս բարձրաձայնում են ինչ-որ խնդիրների մասին՝ ակնկալելով, որ մարզպետը դրանք կլուծի, Ռուբիկ Աբրահամյանը նրանց հակադարձում է հետևյալը կերպ. «Դուք թեժ գծից խոսացեք, թեժ գծից, մի հատ ձեր մասին թեժ գծի վրա չեն զանգում՝ շնորհակալություն հայտնում»:

Փաստորեն, ըստ մարզպետի, քաղաքացիները պետք է զանգեն թեժ gծով և թեժ շնորհակալություններ հայտնեն մարզի պաշտոնյաներին, որ մարզպետն իմանա՝ լավ են աշխատում»,–գրում է թերթը։

Մանրամասները՝ թերթի այսօրվա համարում։