Դեռ վաղ է խոսել ֆավորիտների մասին․ Վարուժան Սուքիասյան

ԱԱ-2018-ի Լեհաստան-Հայաստան հանդիպումից հետո լրագրողների հարցերին պատասխանեց Հայաստանի հավաքականի գլխավոր մարզիչ Վարուժան Սուքիասյանը։

«Մի փոքր ժամանակ է պետք խաղը դիտելու և քննարկելու համար:  Ընտրական փուլի Բոլոր խաղերն էլ բարդ էին մեզ համար: Վերջին 2 խաղերում 10 հոգով էինք հանդես գալիս:   Հիմնական կազմից 6-7 խաղացող բացակայում էին: Շնորհակալություն տղաներին, քանի որ  կարողացան ուժ գտնել իրենց մեջ և  հավաքվել պարտությունից հետո: Ամեն դեպքում շնորհավորում եմ Լեհաստանի հավաքականին։ Եթե Օզբիլիսն իր   պահերն   օգտագրործեր, ապա մենք կհաղթեինք այսօր»-ասաց Սուքիասյանը:

Հայաստանի հավաքականի մարզիչը խոսեց նաև տանտերերի հարձակվող Ռոբերտ Լեվանդովսկու մասին, ով դարձավ իր թիմի հաղթանակ գոլի հեղինԱկը․«Լեվանդովսկու մասին խոսելն ավելորդ է, քանի որ ցանկացած հավաքական կցանկանար ունենալ այդպիսի հարձակվող: Խփած հաղթական գոլից բացի, մեր պաշտպանները կարողացան չեզոքացնել Լևանդովսկուն: Խմբում շատ լարված է լինելու: Չեռնոգորիան ևս միավորներ է հավաքում: Եթե մեր առաջատարները միանան մեզ, մեր դեմ խաղալը նույնպես բարդ կլինի: Դեռ վաղ է խոսել ֆավորիտների մասին»,-ասաց Սուքիասյանը:

Երվանդ ՀԱԿՈԲՅԱՆ

Վարշավա