Պայթյուն` թուրքական TRT1 հեռուստաընկերության շենքում

Անկարայում պայթյուն է հնչել թուրքական պետական TRT1 հեռուստաընկերության շենքում: Ավելի վաղ հենց այդ հեռուստաընկերության եթերում հեռուստամեկնաբանը ընթերցել էր Էրդողանին տապալելու մասին` զինվորականների հայտարարությունը: 

Նշվում է, որ Անկարայում եւ Ստամբուլում Էրդողանի ուղերձից հետո քաղաքացիներ են դուրս եկել փողոց` կանխելու զինվորականների հաղթարշավը: Նշվում է, որ Twitter-ի իր էջում Էրդողանին իր աջակցությունն է հայտնել այդ երկրի նախկին վարչապետ Ահմեդ Դավութօղլուն:

Ինչպես հայտնում է ՌԻԱ Նովոստին, Թուրքիայի հարեւան Հունաստանում բանակը բերվել է արտակարգ պատրաստվածության: Իրանի նախագահն արտակարգ խորհրդակցություն է հրավիրել: