Թուրքական դատարանը Ստամբուլում ազատ է արձակել NTV հեռուստաընկերության լրագրողներին

Ստամբուլի դատարանը երկուշաբթի կալանքից ազատ է արձակել ռուսական NTV հեռուստաալիքի լրագրողներին: Այս մասին ՏԱՍՍ-ի թղթակցին հայտնել է Ստամբուլի Չաղլայանի արդարադատության պալատում աղբյուրը:

«Գլխավոր դատախազությանը ցուցմունք տալուց հետո ազատ են արձակվել երկու ռուս լրագրողներ: Նրանց հետ կալանքից ազատվել է նաև Թուրքիայի քաղաքացի»,- ասել է աղբյուրը:

Հեռուստաընկերության մամուլի ծառայությունը պարզաբանել է, որ լրագրողներն առաջիկայում կարտաքսվեն Ռուսաստան: «Ըստ նախնական տեղեկությունների՝ մեր գործընկերները պետք է արտաքսվեն մոտ ժամանակներս: Մենք ճշտում ենք մանրամասները, դեռ պաշտոնական տեղեկատվություն չունենք»,- ասել է ՏԱՍՍ-ի զրուցակիցը:

Թուրքիայի նախագահ Էրդողանի վարչակազմը հաստատել է լրագրողների ազատ արձակման փաստը: