Հալեպը ցնցվել է ստորգետնյա պայթյունից, պողոտաների վրա փամփուշտներ են «տեղում»

Այսօր վաղ առավոտից Հալեպում սկսվել են սարսափելի հրթիռակոծություններ, բախումներ, պայթյուններ ու հրաձգություն:

Ըստ «Գանձասար»-ի՝ բախումների հետևանքով պողոտաների վրա պայթուցիկ փամփուշտներ են «տեղում»:

Կայքի հաղորդմամբ՝ ժամեր առաջ տեղի ունեցած ստորգետնյա պայթյունի հետևանքով քաղաքն ուժգին ցնցվել է:

Պուսթան ալ Քասըր, Մունշիե, Ճըտեյտե, Սեյֆ ալ Տաուլե, Աշրաֆիե, Շեյխ Թահա, Սաատ Ալլահ Ճապրի, Մերիտիեն և այլ շրջանները զինյալ խմբավորումների կողմից ենթակվում են հրթիռակոծման: Խմբավորումները փորձում են թափանցել հատկապես Ճըտեյտեի և Հին Հալեպի շրջաններ, սակայն սիրիական բանակը հետ է մղել նրանց ներթափանցման փորձերը:

Բնակչությանը հորդորել են մնալ բնակարանների առավել ապահով և պատուհաններից հեռու սենյակներում, որպեսզի հնարավոր լինի զերծ մնալ վտանգներից:

Զոհերի և վիրավորների մասին դեռևս չի հաղորդվում: