ԱԺ-ն սկսեց հարկային նոր օրենսգրքի քննարկումը

ԱԺ հերթական քառօրյայում սկսվել է հարկային նոր օրենսգրքի քննարկումը: Հիմնական զեկուցող ՊԵԿ նախագահի տեղակալ Վախթանգ Միրումյանը նշեց, որ հարկային նոր օրենսգրքի աշխատանքները սկսվել են դեռ 2014թ տարեվերջին, աշխատանքային խմբում բացի հարկային մարմիններին ներգրավված են եղել ֆինանսների նախարարության աշխատակիցներ, հկ-ներ, մասնագիտական կառույցի ներկայացուցիչներ, մի շարք փորձագետներ:Նպատակն է եղել ունենալ կարգավորումների մի այնպիսի շրջանակ, որը լիազոր մարմնին հնարավորինս զերծ կպահի հայեցողական դիրքորոշումներ ու մոտեցումներ ունենալուց:կարգավորվում են հարկային բոլոր հարցերը` վարչարարումներից մինչև բողոքարկում:

Նա նշեց, թե ինչ հիմնական սկզբունքներ են ներառվել հարկային նոր օրենսգիրքը մշակելիս, դա այն է, որ օրենսգիրքը անշուշտ պետք է խրախուսի տնտեսության ակտիվությունը` նպաստելով երկարաժամկետ տնտեսական աճի ապահովմանը:Օրենսգիրքը չի շրջանցել հարկային հիմնական տեսակները, մասնավորապես  ԱԱՀ-ի հետ կապված աննախադեպ միջոցառումներ են առաջարկվում, այն է`  ԱԱՀ հետ վերադարձման հնարավորություն կունենան ոչ միայն արտահանողները, այլ Հայաստանում գործունեություն ծավալող տնտեսվարողները:Անհատ ձեռնարկատերերի համար նվազեցվում է դրույքաչափը, սահմանվում է 20 տոկոս դրույքաչափ` հարկվելով շահութահարկի դաշտում:Վերանայվելու են դիզվառելիքի ակցիզային դրույքաչափերը:Նախատեսվում է պահպանել հարկման ուղղահայաց արդարության սկզբունքը: