Ոչ թե միասնական, այլ միավորված ՀՕՊ համակարգ. ԱԺ-ն սկսեց քննարկումը

ԱԺ արտահերթ նիստում սկսվել է ՀՕՊ համաձայնագրի վավերացման հարցի քննարկումը:

Հիմնական զեկուցող` պաշտպանության փոխնախարար Արա Նազարյանը նշեց, որ համաձայնագիրը ստորագրվել է Մոսկվայում 2015թ. դեկտեմբերին, դրա նպատակը Հավաքական անվտանգության Կովկասյան տարածաշրջանում միավորված հակաօդային համակարգի ստեղծումն է:

ԱԺ նախագահի տեղակալ Էդուարդ Շարմազանովը նախ ասաց, որ այս համաձայնագրի վավերացումը բխում է մեր պետականության շահերից, ապա` հարցրեց` արդյո՞ք սա միասնական ՀՕՊ համակարգ է, թե՞ միավորված, երբ Հայաստանի ՀՕՊ ուժերը պահպանում են իրենց ինքնուրույնությունը՝ ենթարկվելով Հայաստանի հրամանատարներին:

Պաշտպանության փոխնախարարը պատասխանեց, որ միանշանակ այդպես է, այսինքն` ոչ թե միասնական, այլ միավորված ՀՕՊ համակարգի ստեղծում է: